باسم آسٹریلیا میں اور آسٹریلیا سے باہر ایگزیکٹیو مینیجمنٹ کا وسیع تجربہ رکھتے ہیں۔ اگرچہ وہ انڈرگریجویٹ اور پوسٹ گریجویٹ تعلیم کے دوران مینیجمنٹ سے لے کر میڈیسن، سائنس، بائیو ایتھکس اور پبلک ہیلتھ کے مضامین پڑھ چکے ہیں؛ ان کے کیریئر کا تعلق ان سبھی شعبوں سے رہا ہے۔ بہت سے شعبوں کی لیاقت اور جدید قیادت کا انداز رکھنے کی وجہ سے وہ ہیلتھ کیئر اور معذوری کی ایگزیکٹیو ٹیموں میں کئی حیثیتوں سے کام کرتے رہے ہیں۔ باسم psychCentral کے چیف ایگزیکٹیو آفیسر ہیں جو ویسٹرن سڈنی میں ذہنی صحت اور ہیلتھ کیئر کے بہت سے شعبوں میں کام کرنے والی ایک سرکردہ تنظیم ہے۔ وہ کئی کمیونٹی بورڈز، یونیورسٹیوں کے مشاورتی بورڈز اور سرکاری کمیٹیوں کے رکن ہیں۔

1983 میں النوری مسلم پرائمری سکول کے قیام سے ہی ِسلمی احرام ایک استاد رہی ہیں اور قریباً 40 سال سے مسلسل تعلیم کے پیشے میں کام کر رہی ہیں۔ وہ دو مسلم سکولوں اور ایک ووکیشنل کالج کی بانی ہیں۔ وہ اس عرصے میں 4 سکولوں کی پرنسپل رہ چکی ہیں۔ انہوں نے 1976 میں اسلام قبول کیا اور وہ 1970 کی دہائی سے ہی مسلم ویمنز ایسوسی ایشن کی فعال رکن ہیں، کمیونٹی کے لیے سرگرم ہیں اور اکثر میڈیا میں کمیونٹی کی نمائندگی کرتی ہیں۔ وہ ‘سکولوں میں اسلامی تعلیم کے لیے آسٹریلین کاؤنسل’ کی بانی رکن بھی تھیں۔ سلمی نے سڈنی میں مسلمان نوجوانوں، اسلام قبول کرنے والی خواتین اور ان رکاوٹوں پر تحقیق کی ہے جو مسلمان خواتین کو روزگار کے سلسلے میں پیش ہیں اور حال ہی میں وہ اسلامی تدریس پر بھی تحقیق کر چکی ہیں۔ انہیں کمیونٹی میں ان کی خدمات پر صدسالہ میڈل دیا گیا۔ آج کل سلمی پرماکلچر کا مطالعہ کر رہی ہیں اور تعلیمی مشیر کی حیثیت سے کام کر رہی ہیں۔

صفیہ رند Boorloo (پرتھ) میںWadjuk Country میں رہنے والی Yamatji Badimaya خاتون ہیں جن کی Jambinu (Geraldton) اور ماؤنٹ میگنٹ ریجن سے وابستگی ہے۔ صفیہ کمیونٹی کے لیے اقدامات اور تحقیق کا تجربہ رکھتی ہیں۔ انہوں نے ماس کمیونیکیشن میں بیچلر آف آرٹس کیا جس میں جرنلزم اور فوٹوگرافی ان کی خاص دلچسپی کے مضامین تھے۔ صفیہ آرگنائزیشنل ڈیویلپمنٹ اور سٹریٹیجک رائٹنگ کا تجربہ بھی رکھتی ہیں۔ صفیہ پچھلے 5 سال سے آرگنائزیشنز کے ساتھ ملٹی میڈیا اور کانٹینٹ کی تخلیق کا کام کر رہی ہیں۔ انہیں دستاویزی فلمیں بنانے، فوٹوگرافی اور سکرپٹ رائٹنگ کا تجربہ اور بہت شوق ہے۔

نائمہ ابراہیم ایک مصنّفہ، کمیونٹی ورکر اور چھوٹے بچوں کی پروفیشنل ہیں۔ ان کا کام بہت سی اشاعتوں میں سامنے آ چکا ہے اور وہ Kat Muscat Fellowship اور تخلیقی تحریر کے موناش پرائز کے امیدواروں میں شامل ہیں۔ آج کل وہ اپنے پہلے ناول پر کام کر رہی ہیں۔

حسین کی پیدائش اور پرورش جنوبی افریقہ میں ہوئی۔ جنوبی افریقہ میں اپارتھائیڈ نظام کی مشکلات سہنے سے لے کر یہاں کی کمیونٹیوں اور ویسٹرن آسٹریلیا کے سرکاری اداروں کے ساتھ کام کرتے ہوئے حسین نے اپنی زندگی دوسروں کی خدمت میں گزاری ہے اور وہ انسانی حقوق کے عالمی ڈیکلیریشن سے موافقت میں لوگوں کو متحد کرنے کا عزم رکھتے ہیں۔

 1980 کی دہائی میں انہوں نے جنوبی افریقہ میں اپارتھائیڈ نظام کے خلاف جدوجہد کی اور پھر 1999 میں نیوزی لینڈ جانے کے بعد انہوں نے وہاں تارکین وطن کمیونٹیوں کے ساتھ کام شروع کیا تاکہ انہیں اپنے نئے وطن کے معاشرے کا حصہ بننے میں مدد ملے۔ ویسٹرن آسٹریلیا میں وہ اب بھی یہ کام کر رہے ہیں اور ساتھ ساتھ کئی بورڈز، کمیونٹیوں اور فلاحی مینیجمنٹ ٹیموں میں بھی خدمات انجام دے رہے ہیں۔

 حسین تہذیبی و لسانی لحاظ سے متنوّع  (CALD)کمیونٹیوں کے لیے ویسٹرن آسٹریلیا پولیس ایڈوائزری بورڈ میں اور ایک کمیونٹی گرانٹس پروگرام اسیسمنٹ پینل میں شامل ہیں جو سٹیزن شپ اینڈ ملٹی کلچرل افیئرز کے منسٹر نے مقرر کیا ہے۔ نیز وہ Al Hidayah Centre  اور Bennett Springs Residents Association میں بھی بطور خزانچی خدمات انجام دیتے ہیں۔ 2019 میں Fremantle  میں اقوام متحدہ کی نمائش میں حسین کا انسانی حقوق کے لیے آواز اٹھانے کا کام بھی پیش کیا گیا۔

سبرین حسین ایک سرکردہ بین الاقوامی کمرشل لاء فرم Allens میں تنازعات اور عدالتی مقدمات پر کام کرنے والی وکیل ہیں۔ وہ مسلم لیگل نیٹ ورک (نیو ساؤتھ ویلز) کی ایگزیکٹیو ممبر اور Diverse Women in Law کی پورٹ فولیو مینیجر ہیں۔ انہوں نے  UNSW سے آرٹس/قانون کی ڈگری حاصل کی جس میں پالیٹکس اینڈ انٹرنیشنل ریلیشنز ان کا میجر مضمون تھا اور گلوبل بزنس ان کا مائنر مضمون تھا۔ سبرین الگ تھلگ اور پسماندہ کمیونٹیوں کے حقوق اور مواقع کے لیے بہت جذبے سے آواز اٹھاتی ہیں اور وہ آسٹریلیا کے Stellar South Asian Women Awards (کمیونٹی اینڈ ایڈووکیسی) کے لیے ایک فائنلسٹ تھیں۔